OSG NEWS 31-10-2024
దీపావళిని, స్వచ్చ దీపావళిని, శుభ దీపావళిగా రంగు రంగుల దీపాలతో ఆనందంగా జరుపుకోవాలని గిడిజాల లో గల ఘట్టమనేని ఎస్టేట్స్ అధినేత, శ్రీ మహాలక్ష్మి కల్చరల్ అసోసియేషన్ వ్యవస్థాపక అధ్యక్షులు సుభాష్ చంద్ర బోస్ ప్రజలకు దీపావళి శుభాకాంక్షలు బుధవారం తెలియజేశారు. ప్రతిచోట దీపావళి రోజున మతాబులు, మందుగుండు సామాగ్రి ని కాల్చడం వలన వాయు, శబ్ద కాలుష్యం చెందివ్యర్ధాలతో కలుషితమైపోతుందని, శబ్ద కాలుష్యం వలన చిన్నపిల్లలు, వృద్ధులు, పశువులు, మూగజీవాలు ఆందోళన చెంది ప్రమాదాలకు గురవుతారని, వాయు కాలుష్యం వలన పొగ పేరుకుపోయి అనారోగ్యానికి గురయ్యే అవకాశం ఉందన్నారు. అలాగే మతాబులు కాల్చిన
వ్యర్ధాలకు నిప్పు పెట్టి కాల్చడం వలన వాయు కాలుష్యం వ్యాపించి ప్రజల ఆరోగ్యాలకు భంగం కలుగుతుందన్నారు. కాబట్టి ప్రజలందరూ అందమైన దీపాలను ప్రతి ఇంట వెలిగించి హరిత దీపావళిని, స్వచ్చ, శుభ దీపావళిగా రంగు రంగుల దీపాలతో ఆనందంగా జరుపుకోవాలని బోసు బాబు పేర్కొన్నారు.