5వ వార్డులలో సుడిగాలి పర్యటన చేసిన జీవీఎంసీ. జోన్-2 కమిషనర్ పి.సింహాచలం
వార్డులోని ముఖ్య సమస్యల ను వివరించిన కార్పొరేటర్ మొల్లి హేమలత
మధురవాడ:OSG NEWS 21-11-2024
జీవీఎంసీ జోన్-2 కమిషనర్ పి.సింహాచలం గురువారం 5వ వార్డ్ పరిధిలో సర్వే నం:27,శివశక్తినగర్ రోడ్డులో కొండవాలు ప్రాంతాలైన అయ్యప్పనగర్,వివేకానంద నగర్,ముత్యాలమ్మకాలనీ, గాంధీనగర్,మరియు శివశక్తినగర్ స్మశానవాటిక,బొట్టవానిపాలెం చెరువు తదితర ప్రాంతాలలో వార్డు కార్పొరేటర్ మొల్లిహేమలత, టిడిపి రాష్ట్ర కార్యదర్శి మొల్లి లక్ష్మణరావు, తో కలసి సుడిగాలి పర్యటన చేశారు. ఈసందర్భంగా జోనల్ కమిషనర్ కాలువలు,డ్రైన్లు,పార్కులు, కొండవాలు ప్రాంతాల నీటి సమస్యలు,విద్యుత్,స్మశాన వాటికలు వాటి సమస్యలు, వేయవలసిన క్రొత్త విద్యుత్ స్తంభాలు వాటి లైట్లు ఏర్పాటు… ముఖ్యంగా కొండవాలు ప్రాంతాలు,గ్రామ కంఠలు… మరియు అయ్యప్పనగర్, ముత్యాలమ్మకాలనీ, గాంధీనగర్,శివశక్తినగర్, కొండవాలు ప్రాంతాలలో ప్రజల ముఖ్య సమస్య అయిన విద్యుత్,నీటి కొళాయి కనెక్షన్ల కోసం ఇంటి పన్నుల దరఖాస్తుల ఇండ్లను పరిశీలించారు.
మాస్టర్ ప్లాన్ రోడ్ లో అక్రమ బడ్డీలు,స్మశాన వాటికకు ఆనుకొని ఉన్న ఆక్రమణ బడ్డీలను పరిశీలించారు.బొట్టవానిపాలెం చెరువు అభివృద్ధి,డంపింగ్ యార్డ్ వలన మారికవలస రాజీవ్ గృహకల్ప,బోరవానిపాలెం ప్రజలు పడుతున్న అవస్థలను కార్పొరేటర్ జోనల్ కమిషనర్ కు వివరించారు.వార్డు పరిధిలోని స్మశాన వాటికలలో మౌళిక వసతులైన షెడ్లు,విద్యుత్,త్రాగునీరు ఏర్పాటు చేసి అభివృద్ధి పరచాలని కార్పొరేటర్లు కమిషనర్ కు తెలిపారు.ఈ సందర్భంగా 5వ వార్డ్ సమస్యలు,అభివృద్ధి కార్యక్రమాలపై కార్పొరేటర్ మొల్లి హేమలత,టిడిపి రాష్ట్ర కార్యదర్శి మొల్లి లక్ష్మణరావు జోనల్ కమిషనర్ కు వివరించారు.ఈసందర్భంగా జివిఎంసి జోనల్ కమిషనర్ పి. సింహాచలం స్పందిస్తూ త్వరలోనే సమస్యలను పరిష్కారం దిశగా తీసుకెళ్తానని హామీ ఇచ్చారు.ఈపర్యటనలో అధికారులు ఈఈ శాంతి రాజు, టౌన్ సర్వేయర్ ప్రభాకర్ రావు, సానిటరీ ఇన్స్పెక్టర్ కాకర శ్రీనివాసరావు,వార్డు-సచివాలయ కార్యదర్శులు తదితరులు పాల్గొన్నారు.