ఘనంగా రుద్ర జ్ఞాన యజ్ఞం
కోరాడ నవీన్ జ్ఞానేశ్వర్ OSG NEWS 13-11-2024
బ్రహ్మకుమారీస్ ఆధ్వర్యంలో స్థానిక జి ఎస్ ఎన్ ఫంక్షన్ హాల్ లో రుద్ర జ్ఞాన యజ్ఞం అత్యంత భక్తి శ్రద్ధలతో ఘనంగా నిర్వహించారు. ద్వాదశ జ్యోతిర్లింగ దివ్యదర్శనం అనంతరం కార్యక్రమాన్ని వేడుకగా జరిపారు. ఈ కార్యక్రమంలో టిడిపి యువ నాయకుడు, వేములవలస పంచాయతీ ఉప సర్పంచ్ కోరాడ నవీన్ జ్ఞానేశ్వర్, టిడిపి నాయకురాలు నాగోతి నాగమణి, ఆనందపురం సర్పంచ్ చందక లక్ష్మి, బీపీ కల్లాలు సర్పంచ్ కోన శ్రీనివాసరావు పైడిరాజు, బంటుబిల్లి శ్రీనివాసరావు, పొడుగుపాలెం సత్యనారాయణ మాస్టారు లతో పాటు భక్తులు అధిక సంఖ్యలో పాల్గొని ప్రత్యేక పూజలు నిర్వహించారు. గత మూడు రోజులుగా నిర్విరామంగా బ్రహ్మకుమారీస్ పూజలు నిర్వహిస్తున్నందుకు భక్తులందరూ ప్రత్యేక కృతజ్ఞతలు తెలిపారు. చివరి రోజున హోమం జరిపి ప్రసాదం పంపిణీ చేశారు