నవంబర్ 1 నుంచి ఎబిసి ఆధ్వర్యంలో ఫ్రీడమ్ క్రికెట్ పోటీలు- 2024 ప్రారంభం
-
- OSG NEWS
భీమిలి కి చెందిన అసోసియేషన్ ఆఫ్ భీమిలి క్రికెటర్స్ (ఎబిసి) ఆధ్వర్యంలో ఫ్రీడం కప్ క్రికెట్ పోటీలు- 2024 నవంబర్ 1 నుంచి జరుగుతాయనీ ఎబిసి ప్రధాన కార్యదర్శి గొలగాని నరేంద్ర కుమార్ తెలిపారు.స్థానిక ప్రెస్ క్లబ్ లో ఆయన విలేకరులతో సమావేశం ఏర్పాటు చేసారు. ఈ సందర్భంగా ఆయన మాట్లాడుతూ నవంబర్ 1 న ఫ్రీడమ్ క్రికెట్ పోటీలు ప్రారంబించి డిశంబర్ 1 తో ముగుస్తాయనీ చెప్పారు. 1996 లో శైలేంద్ర రెడ్డి ఆధ్వర్యంలో ప్రారంభమయ్యాయనీ, అప్పటినుంచి ఇప్పటి వరకు ప్రతీ ఏడాది ఈ ఫ్రీడం కప్ నిర్వహించనున్నట్లు తెలిపారు. అప్పటినుంచి ఇప్పటివరకు సుధాకర్ రెడ్డి బౌండర్ గా వ్యవహరిస్తున్నారనీ తెలిపారు.ఈసారి పోటీలలో 14 టీం లను రౌండ్ లుగా ఆడించాలనీ,అంతేకాకుండా జూనియర్స్ ను ప్రమోట్ చేయాలనే ఉద్దేశ్యంతో చేస్తున్నట్లు చెప్పారు. 1,2,3,4 వార్డులకు సంబంధించిన అన్ని పాఠశాలల నుంచి 6,7,8 తరగతులుకు చెందిన విద్యార్థులను ఎంచుకోవడానికి గౌరవ అధ్యక్షులు, ఎబిసి అధ్యక్షులు ఆలోచన చేస్తున్నారనీ, దీనిపై నవంబర్ 1 న ఎబిసి అధ్యక్షులు మరిన్ని వివరాలు ఇవ్వనున్నట్లు అన్నారు. ఈ సమావేశంలో ఎబిసి సహాయ కార్యదర్శి అడిదం అంజనీ కుమార్ తదితరులు పాల్గొన్నారు.