మహనీయుల ఆశయ సాధన కోసం కృషి చేయాలి…!
కోరాడ నవీన్ జ్ఞానేశ్వర్
OSG NEWS 14-11-2024
మహనీయుల ఆశయాలు ఆలోచనలను విద్యార్థులు అలవర్చుకోవాలని వేములవలస పంచాయతీ ఉప సర్పంచ్ కోరాడ నవీన్ జ్ఞానేశ్వర్ అన్నారు. భారత తొలి ప్రధాని జవహర్ లాల్ నెహ్రూ జయంతిని పురస్కరించుకుని వేములవలస ఎంపీపీ పాఠశాల, అంగన్వాడీ కేంద్రంలో ఘనంగా బాలల దినోత్సవం వేడుకలు జరిపారు. ఈ సందర్భంగా ఆయన మాట్లాడుతూ మంచి భవిష్యత్తుకు పునాది వేశాల బాల్యం ఉండాలన్నారు . విద్యార్థులు దేశాన్ని ఉన్నతంగా తీర్చిదిద్దేందుకు మంచి లక్ష్యాలతో ముందడుగు వేయాలని పిలుపునిచ్చారు. దేశానికి స్వాతంత్రం తీసుకు వచ్చిన మహాత్మా గాంధీ జవహర్ లాల్ నెహ్రూ వంటి ఎందరో మహనీయుల త్యాగాలను పిల్లలకు వివరించారు. ప్రతి విద్యార్థి ఉన్నత చదువులు చదివి మంచి పేరు తెచ్చుకోవాలన్నారు. నేటి బాలలే రేపటి పౌరులని గుర్తు చేశారు. కార్యక్రమంలో ఉపాధ్యాయులు సుభాషిణి, పద్మావతి, నదియా లతోపాటు విద్యార్థుల తల్లిదండ్రులు పాల్గొన్నారు.