జాతీయ భావం కలిగిన యువత తయారు కావాలి
* ఆర్ఎస్ఎస్ ఆధ్వర్యంలో గణతంత్ర దినోత్సవ వేడుకలు
* ఆకట్టుకున్న పద సంచలన
OSG NEWS 26-01-2025
జాతీయ భావం కలిగిన యువత నిర్మాణమే ఆర్ఎస్ఎస్ ముఖ్య ఉద్దేశమని అఖిలభారత విద్యా భారతి విద్యాలయాల అధ్యక్షుడు దూసి రామకృష్ణ రావు అన్నారు. ఆదివారం ఆర్ఎస్ఎస్ ( రాష్ట్రీయ స్వయంసేవక్ సంఘ్ ) ఆనందపురం ఖండ ఆధ్వర్యంలో గణతంత్ర దినోత్సవ వేడుకలు ఘనంగా నిర్వహించారు. ఈ సందర్భంగా స్వయం సేవకులు ఆనందపురం కూడలి వేములు వలస ప్రధాన వీధుల్లో పదసంచలన ( రూట్ మార్చ్ ) నిర్వహించారు. ఈ కార్యక్రమానికి ముఖ్య వక్తగా విచ్చేసిన దూసి రామకృష్ణ మాట్లాడుతూ.. దేశంలోని పౌరులు హక్కులతో పాటు విధులను నిర్వర్తించడం ద్వారా రాజ్యాంగానికి గౌరవం వస్తుందన్నారు. మనకునే స్వేచ్ఛాయుత జీవితం ఇతరల కు భంగం కలగనంత వరకు బాగుంటుందన్నారు. దేశం కోసం యువత పనిచేయాలని దీనినే స్వామి వివేకానందుల వారు దేశంలో పలుమార్లు పర్యటించి చెప్పారన్నారు
ఈ కార్యక్రమంలో ఆనందపురం ఆర్ఎస్ఎస్ ప్రతినిధులు బాలి రవి, తమ్మిన నర్సింగ్ రావు, దుఃఖ అప్పలరాజు, బి శంకర్, కేశవ నాయుడు, సతీష్ తదితరులు పాల్గొన్నారు.